Рамил Курамшин көе
Гөлшат Зәйнашева сүзләре

Өй артыгыз гөлбакча,
Җиләге тулып пешкән.
Җиләк арасында сайрый —
Сандугач очып төшкәй.

Гөлбакчагыз бигрәк матур
Карыйм сокланып кынал
Мин дә очып төшәр идем,
Күбәләк булып кына.

Өй артыгыз гөлбакча,
Гөлләре түтәл-түтәл.
Түтәлләргә кояш төшкән,
Нуры гөлләрне үпкән.

Гөлбакчагыз бигрәк матур
Карыйм сокланып кынал
Мин дә очып төшәр идем,
Күбәләк булып кына.

Өй артыгыз гөлбакча,
Коймасы челтәр-челтәр.
Бакчагызга кемдер керер,
Сезне бәхетле итәр.

Гөлбакчагыз бигрәк матур,
Карыйм сокланып кына.
Мин дә очып төшәр идем
Күбәләк булып кына.