Счетчики

Өмет

Марат Хөснуллин көе
Алмаз Хәмзин сүзләре

Кайгы-сагыш басса, син кайгырма,
Өметеңне өзмә — син яшә!
Чәчәкләргә төренеп язлар килер,
Язлар безгә бәхет өләшә.

Тәрәз каршында үскән шомыртым
Шау чәчәккә батты быел да,
Ак бәхеткә күмелеп яшәрбез, дип,
Син утырттың аны туеңда.

Ялгыз аккош озак яши алмый,
Хәсрәт кисә аның гомерен.
Аккошлардай язмыш безгә язган,
Алда тагын ниләр күрермен.

Тәрәз каршында үскән шомыртым
Шау чәчәккә батты быел да,
Ак бәхеткә күмелеп яшәрбез, дип,
Син утырттың аны туеңда.

Ялгыз каеннардан сагыш бөрки,
Ялгыз калган тальян моңлана.
Ялгыз гашыйк күңелен кем юата?
Ялгызлыктан кавышу — бар дәва.

Тәрәз каршында үскән шомыртым
Шау чәчәккә батты быел да,
Ак бәхеткә күмелеп яшәрбез, дип,
Син утырттың аны туеңда.

Страниц: 1
Источник: http://erlar.ru | Опубликовано: 08.03.10 | Просмотров: 1340 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!