Счетчики

Оренбур шәле

Җәүдәт Фәйзи көе
Сибгат Хәким сүзләре

Оренбур ягын сагына күңел.
Искә төшә сабый чакларым...
Әй, атаклы Оренбур шәле,
Җил-давылдан мине сакладың.

Оренбур шәлләре мамык,
Оренбур шәле дебет.
Мәхәббәтем алда кебек.
Өзелми һаман өмет.

Оренбур шәле җылы һәм йомшак.
Уйларыма батам, ябынсам.
Шул Оренбур шәле кебек, мине
Давылларда җылыт, яр булсаң.

Оренбур шәлләре мамык,
Оренбур шәле дебет.
Мәхәббәтем алда кебек.
Өзелми һаман өмет.

Оренбур шәле челтәрле бизәк,
Кышкы юллар төсле каймалар.
Язларымны хәтерләтә торган
Андый шәлләр тагын кайда бар?

Оренбур шәлләре мамык,
Оренбур шәле дебет.
Мәхәббәтем алда кебек.
Өзелми һаман өмет.

Страниц: 1
Источник: http://erlar.ru | Опубликовано: 02.03.10 | Просмотров: 903 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!