Ренат Салихов көе
Әнгам Атнабаев сүзләре

Сагынганда аккан суга кара,
Сулар булып шаулап мин агам.
Ярларына дулкын кага, димә,
Йөрәгеңә килеп мин кагам.

Сагынганда ак болытка кара,
Ак болытлар булып мин агам.
Шыбыр-шыбыр яңгыр ява, димә,
Күз яшьләре булып мин тамам.

Сагынганда яуган карга кара,
Ак бураннар булып мин явам.
Ак бураннар адаштыра, димә,
Сине адаштырам мин һаман.