Счетчики

Сагышларым туган якта

Венер Мөхәммәдиев көе
Марсель Гыймазетдинов сүзләре

Туган якны кем сагынмый, кем юксынмый,
Шул якларга өзелеп карап кем үксеми.
Көн дә кайтам уйларымда туган якка,
Моңнарымны көйгә салам синең хакта.

Кайтыгыз дип пышылдыйлар хәтта үләннәр,
Туган якка бер кайта ул читтә йөргәннәр.

Сагыш утларында янам, туган ягым,
Сине сагынып җырлар җырлыйм менә тагын.
Йөрәк моңнарымны илтеп сиңа җилләр,
Юксындыра икән, дуслар, туган җирләр.

Кайтыгыз дип пышылдыйлар хәтта үләннәр,
Туган якка бер кайта ул читтә йөргәннәр.

Таралдык без дөнья буйлап бәхет эзләп,
Җыйналышыйк, көтә безне туган төбәк.
Тик бәхетле була кеше туган якта —
Аңладым мин чит җирләрдә шушы хакта.

Сагынуга, сагышларга, дуслар, түзмәдем —
Кайтам инде, каршы алсын туган җирләрем.

Страниц: 1
Источник: http://erlar.ru | Опубликовано: 02.03.10 | Просмотров: 1343 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!