Счетчики

Сау бул инде

Фәрит Хатыйпов көе
Разил Вәлиев сүзләре

Мәхәббәттән өмет өзгән чакта
Синең белән нигә кавыштым?
Сау бул инде, шушы кавышуым
Булса иде соңгы ялгышым.

Кавыштырмый икән уртак кайгы,
Кирәк икән уртак хыяллар.
Сау бул инде, сөю бакчасында
Бар агачлар яфрак койганнар.

Кешеләргә яз китергән сөю
Миңа бирде көзләр сагышын.
Сау бул инде, соңгы мәхәббәтем,
Сау бул инде, соңгы ялгышым.

Страниц: 1
Источник: http://erlar.ru | Опубликовано: 02.03.10 | Просмотров: 1441 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!