Счетчики

Саумысыз, януларым

Фаил Абдраков көе
Марие Нәзиров сүзләре

Кошлар кайтты, сөю килде,
Гомерем язым алкышлады.
Көләч яшьлек иртәсендә,
Саумысыз, януларым.

Якты нурдай балкыем мин,
Түбәм күккә тиде инде.
Бу янулар — үзе бәхет,
Иркәләвен тойдым инде.

Язлар җитте, сөю килде,
Назларымны нәкышлады.
Мәхәббәтем кичләрендә,
Саумысыз, сагышларым.

Уйларымнан уянам мин
Ялгыз калган сәгатьләрдә.
Бу сагышлар — үзе бәхет,
Көтүләргә сәбәп барда.

Кошлар китте, сөю китми,
Сизәм канат кагышларын.
Мәхәббәтем кичләрендә,
Саумысыз, януларым.

Яфраклардай саргайсам да,
Ашыкмагыз кызганырга.
Бу янулар — үзе бәхет,
Күмеләем күзләреңә.

Страниц: 1
Источник: http://erlar.ru | Опубликовано: 02.03.10 | Просмотров: 1002 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!