Счетчики

Шаулый урман

Роберт Андреев көе
Гөлшат Зәйнашева сүзләре

Урман юлы буйлап туган якка,
Кайтып киләм таңнар аткан чакта.
Юлга ауган каен. Кемнәр кискән,
Нинди давыл, нинди җилләр искән?

И шаулый, шаулый урман,
Нигә шаулый икән, ни булган?
Юк, шауламый, ыңгыраша,
Ыңгыраша бу урман.

Ак каеннар ауган, ауган нарат,
Ята кебек алар күзгә карап.
Ниләр генә кылмый кеше кулы,
Ниләр генә күрми урман юлы.

И шаулый, шаулый урман,
Нигә шаулый икән, ни булган?
Юк, шауламый, ыңгыраша,
Ыңгыраша бу урман.

Кошлар оча, өзми бер яфрак та.
Хәйран калып уйлыйм мин шул хакта.
Үрнәк ал син, кеше, күр гыйбрәтне,
Кошлар саклый белә табигатьне.

И шаулый, шаулый урман,
Нигә шаулый икән, ни булган?
Юк, шауламый, ыңгыраша,
Ыңгыраша бу урман.

Страниц: 1
Источник: http://erlar.ru | Опубликовано: 04.03.10 | Просмотров: 2339 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!