Счетчики

Син тыелган җимешем

Рифкат Сәйфетдинов көе
Хәния Фәрхи сүзләре

Татлыларның иң татлысы —
Син тыелган җимешем.
Үрелсәм дә буем җитмәс,
Ах, бигрәк биексең.
Аңламас мине башкалар,
Хисләремне сөйләсәм.
Сокланам тик читтән генә,
Хыялымда күрешәм.

Нигә син мине
Аңларга теләмисең?
Нигә син һаман
Бәгырьне телгәлисең?
Карашың чакыра,
Ә үзең "килмә" дисең.
Сынса сабыр канатларым —
Ах, үкенерсең.

Ике читлеккә ябылган
Без ятим кошлар кебек.
Күрешергә чара эзлим
Язмышларны җимереп.
Ятларга насыйп булсаң да,
Сөясең мине генә.
Тибрәтермен, салып сине
Мәхәббәт бишегенә.

Нигә син мине
Аңларга теләмисең?
Нигә син һаман
Бәгырьне телгәлисең?
Карашың чакыра,
Ә үзең "килмә" дисең.
Сынса сабыр канатларым —
Ах, үкенерсең.

Страниц: 1
Источник: http://erlar.ru | Опубликовано: 02.03.10 | Просмотров: 959 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!