Счетчики

Сипкелле диләр мине...

Мансур Мозаффаров көе
Әхмәт Ерикәй сүзләре

Туткыллы димиләр мине,
Сипкелле диләр мине.
Әзрәк сипкелле булсам да,
Сөйкемле диләр мине.

Буйларың зифа димиләр,
Аз гына кыска диләр.
Ләкин шуңа карамастан.
Эшкә бик оста диләр.

Кашларың кара димиләр,
Күзләрең серле диләр,
Шушы күзләр егетләрнең
Күңелен сихерли диләр.

Чәчләрең бөдрә димиләр,
Билләрең бөглә диләр.
Яраттыра белмәсә дә,
Ярата белә диләр.

Туткыллы димиләр мине,
Сипкелле диләр мине.
Әзрәк сипкелле булсам да,
Сөйкемле диләр мине.

Страниц: 1
Источник: http://erlar.ru | Опубликовано: 02.03.10 | Просмотров: 871 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!