Счетчики

Сөеклем

Әнвәр Шәрәфиев көе
Әхмәт Гадел сүзләре

Күпме еллар, син, диеп, янам да көям:
Тик сине, сине генә өзелеп сөям.
Әмма син аңламыйсың, күрмисең, нигә?
Аһ, бу ялкынлы күңел ник шулай сөя?!

Исемеңне, бәгырем, армый кабатлыйм,
Сине искә алмыйча йокларга ятмыйм.
Син генә, сандугачым, күңелем тоя,
Йөрәгемдә коргансың гомерлек оя.

Өзгәләнә йөрәгем таң алларыннан,
Эзләп китәрдәй булам ил юлларыннан.
Ник син дә юксынмыйсың, сөеклем минем?
Мин бит синең язмышың, бәхетең синең...

Страниц: 1
Источник: http://erlar.ru | Опубликовано: 03.03.10 | Просмотров: 764 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!