Счетчики

Сорнай моңы

Рөстәм Яхин көе
Шәриф Хөсәенов сүзләре

Бер яшь егет, төн йокламый,
Өзелеп-өзелеп уйный сорнай;
Күңле бер яшь кызны уйлый:
Чәчләре төн, йөзләре ай.

Йоклый алмый җиткән кызлар,
Бигрәк чибәр егете, дип.
Кемне сөяр, кемне алыр,
Кемне итәр бәхетле?— дип.

Йоклый алмый ята картлар,
Ай-һай егет өзелә лә, дип.
Шулай янган, көйгән чаклар
Бар иде бит бездә дә, дип.

Тик яшь кызкай, йөзләре ай,
Тәрәз ачмый, йөгереп чыкмый.
Гыйшык хәлен әле белми,
Гамьсез йоклый, тыныч йоклый.

Страниц: 1
Источник: http://erlar.ru | Опубликовано: 03.03.10 | Просмотров: 1003 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!