Счетчики

Сугыш ялкыны

Рәшит Абдуллин көе
Разил Вәлиев сүзләре

Соңгы тапкыр кичә көлде дөнья,
Соңгы тапкыр кояш балкыды.
Гаң атмады бүген, таң атмады,—
Алды җирне сугыш ялкыны.

Үлем килде җир шарының
Кояш баткан ягыннан.
Ватан өчен утка кердек
Сабантуй мәйданыннан.

Томырылды атта яшь егетләр...
Гомер буе көтәр чын ярлар.
Янса янар, әмма Берлингача,
Берлингача атлар чабарлар.

Үлем килде җир шарының
Кояш баткан ягыннан.
Ватан өчен утка кердек
Сабантуй мәйданыннан.

Европада — канлы сабан туе,
Җирдә бүген — ялкын, көл исе.
Җинү байрагыдай янып калды
Сабантуйның биек сөлгесе.

Үлем килде җир шарының
Кояш баткан ягыннан.
Ватан өчен утка кердек
Сабантуй мәйданыннан.

Страниц: 1
Источник: http://erlar.ru | Опубликовано: 03.03.10 | Просмотров: 2377 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!