Счетчики

Тәгәрмәчләр

Зиннур Гыйбадуллин көе
Галимҗан Латыйп сүзләре

Тәгәрмәчләр тәгәриләр
Келдер-келдер.
Гармун тартып җырлап
Бара кемдер.
Хуш ис бөркеп кала кырлар
Тирә-якта,
Тәгәрмәчләр көйләп бара
Шушы хакта.

Тәгәрмәчләр бәхет ташый,
Шатлык илтә.
Еракларга сәлам хатлар
Китә.
Тәгәрмәчләр вокзалларга
Туктый килеп,
Әллә каян: — Саумы сез,— дип,
Сәлам биреп.

Тәгәрмәчләр кузгала да
Тагын китә.
Җәяүлеләр җитмәс җиргә
Җитә.
Якынайта, ерагайта
Араларны,
Тоташтыра авылларны,
Калаларны.

Тәгәрмәчләр кавыштырсын,
Аермасын!
Кеше канатларын
Каермасын.
Тәгәрмәчләр тәгәрәсен
Келдер-келдер.
Бу юлларда бер йөрүе —
Бер гомердер.

Страниц: 1
Источник: http://erlar.ru | Опубликовано: 04.03.10 | Просмотров: 668 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!