Мәсгут Имашев көе
Әхмәт Рәшитов сүзләре

Тәрәзәләр елмаялар,
Тәрәзәләрдә нурлар —
Зәңгәр күкләргә үрелеп,
Йөрәктә шыта җырлар.

Тәрәзәләр, тәрәзәләр,
Киңрәк ачылсын;
Язны сагынган күңелдә
Сагыш басылсын.

Тәрәзәләр кошлар моңын
Кабатлый сыман безгә;
Зеңгелдиләр, яз килде, дип,
Сөйкемле җиребезгә.

Тәрәзәләр, тәрәзәләр,
Киңрәк ачылсын;
Язны сагынган күңелдә
Сагыш басылсын.

Тәрәзәләр, тәрәзәләр,
Күңелнең сафлыклары.
Тәрәзәләрдә чагыла
Очрашу шатлыклары.

Тәрәзәләр, тәрәзәләр,
Киңрәк ачылсын;
Язны сагынган күңелдә
Сагыш басылсын.