Счетчики

Төшемә керәсең

Кирам Сатиулла көе
Фәнис Яруллин сүзләре

Гел шулай керәсең төшемә:
Кулыңда чәчәкләр бәйләме,
Каядыр ашыккан җиреңнән
Карыйсың әйләнеп-әйләнеп.

Карыйсың, кулларың изисең,
Юлыңа чәчкәләр коела.
Йөзеңдә ниндидер үпкәләү
Һәм сагыш бар сыман тоела.

Нәрсәдер әйтәсең каерылып,
Тик җилләр өзгәли сүзеңне.
Юлларга коелган чәчәкләр
Үбәләр җирдәге эзеңне.

Гел шулай керәсең тешемә:
Кулыңда — яшьлекнең гөлләре.
Гөлеңне йолкыйлар кулыңнан
Язмышның аяусыз җилләре.

Страниц: 1
Источник: http://erlar.ru | Опубликовано: 04.03.10 | Просмотров: 1186 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!