Рөстәм Яхин көе
Рамазан Байтимеров сүзләре

Күпме юллар йөрдем, дөнья күрдем,
Назлы җилләр йөзем сыйпады.
Сиңа кайткач кына, туган ягым,
Күкрәгемә шатлык сыймады.

Тик бер генә көнгә аерылсам да,
Ямансулап сине юксынам.
Синнән башка мина, туган ягым,
Бу дөньяда тормыш юк сыман.

Тик бер генә көнгә аерылсам да,
Ятим калган кебек буламын.
Тик син генә яшәү матурлыгы.
Гүзәллеге якты дөньяның.