Счетчики

Туган як кичләре

Александр Ключарев көе
Гөлшат Зәйнашева сүзләре

Бер кыз микән, бер кош микән,
Сайрый, сайрый өздереп.
Баян микән, тальян микән —
Уйный, уйный сыздырып.

И, туган як кичләре,
Онытылмас дус-ишләре.

Йолдыз якты, ай нурлырак
Туган ягым күгендә.
Туган якта җыр ишетсәң,
Моңы кала күңелдә.

И, туган як кичләре,
Онытылмас дус-ишләре.

Туган ягым, зәңгәр кичем,
Зәңгәр яшьлек елларым.
Кая китсәм, кире сиңа
Алып кайта юлларым.

И, туган як кичләре,
Онытылмас дус-ишләре.

Страниц: 1
Источник: http://erlar.ru | Опубликовано: 04.03.10 | Просмотров: 1727 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!