Счетчики

Туган җир алтын

Зөфәр Хәйретдин көе
Хәсән Туфан сүзләре

Юл ташларына
Яфрак коела,
Кыр казы күлдән
Юлга җыена.
Киткән кошларга
Адреслар бирсәм,
Казан өстеннән
Очарлар микән?

Әй, нурлы Казан,
Син илем төсе.
Синең ташларда
Бабайлар эзе.
Еракта да син
Йөрәккә якын;
Торган җир — көмеш,
Туган җир — алтын!

Алсу Алтайда,
Зәңгәр Байкалда
Истә син, Казан,
Истә һәркайда.
Еракта да син
Йөрәккә якын;
Торган җир — көмеш,
Туган җир — алтын!

Страниц: 1
Источник: http://erlar.ru | Опубликовано: 04.03.10 | Просмотров: 1534 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!