Счетчики

Туй җыры

Сара Садыйкова көе
Рәфикъ Юныс сүзләре

Беренче туй күптән онытылды,
Көмеш туйга әле иртәрәк.
Тик йөрәгем ярсып тибеп куйды
Туй буласы йортка җитәрәк.

Туйда, туйда, туйда җырлап һич туймыйсың,
Эх! Кияү булып йөргән чакны уйлыйсың.
Бас, бас, бас бу якта,
Бас, бас кызу чакта.
Тал булып бөгелсен такта —
Туйда бии тукмак та.

Әйтерсең лә урам әйләнеп,
Төштек менә икәү чанадан.
Кар-бураннар, кыңгыраулар белән
Яшьлек кайтты кебек яңадан.

Туйда, туйда, туйда җырлап һич туймыйсың,
Эх! Кияү булып йөргән чакны уйлыйсың.
Бас, бас, бас бу якта,
Бас, бас кызу чакта
Тал булып бөгелсен такта —
Туйда бии тукмак та.

Еллар үткәч, яшәү шатлыгы
Көчле була икән бигрәк тә.
Туйда биеп, идән җимерерлек
Дәрт саклана икән йөрәктә!

Туйда, туйда, туйда җырлап һич туймыйсың,
Эх! Кияү булып йөргән чакны уйлыйсың.
Бас, бас, бас бу якта,
Бас, бас кызу чакта.
Тал булып бөгелсен такта —
Туйда бии тукмак та.

Страниц: 1
Источник: http://erlar.ru | Опубликовано: 04.03.10 | Просмотров: 1624 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!