Счетчики

Уфа ни өчен матур?

Сара Садыйкова көе
Нәби Дәүли сүзләре

Уфа каласы ни өчен матур?
Беләм, дускаем, беләм серләрен:
Мин синең белән йөрим урамда,
Миңа елмая синең күзләрең.

Карасаң миңа,
Елмайсаң миңа,
Син дә бик матур,
Уфа да матур,
Бик матур дөнья!

Таудан тауларга кояш күченә,
Сиңа да миңа балкый шикелле.
Салават батыр корыч атында
Сине дә мине саклый шикелле.

Карасаң миңа,
Елмайсаң миңа,
Син дә бик матур,
Уфа да матур,
Бик матур дөнья!

Нинди шәһәрләр җирдә күрмәдем,
Булмады минем кайда йөргәнем.
Уфа дисәләр, сине сагынам,
Уфа дисәләр, яна йөрәгем.

Карасаң миңа,
Елмайсаң миңа,
Син дә бик матур,
Уфа да матур,
Бик матур дөнья!

Страниц: 1
Источник: http://erlar.ru | Опубликовано: 04.03.10 | Просмотров: 1261 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!