Счетчики

Вәгъдәләр бирмим

Риф Гатауллин көе
Фәнис Яруллин сүзләре

Мин әле сиңа вәгъдәләр бирмим,
Моң чишмәсеннән, моң аласым бар:
Сагынулар аша, зарыгулар аша
Мәхәббәтемнең сыналасы бар.

Мин әле сиңа вәгъдәләр бирмим,
Үз күңелемә ышанасым бар,
Шикле уйлардан, икеләнүләрдән,
Мәңге — мәңгегә бушанасым бар.

Мин әле сиңа вәгъдәләр бирмим,
Синең сөюгә тиңләшәсем бар:
Күзгә-күз карап, йөрәгем белән
Сөйләшәсем бар, киңәшәсем бар.

Страниц: 1
Источник: http://erlar.ru | Опубликовано: 25.02.10 | Просмотров: 1175 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!