Счетчики

Зәйтүнәкәй

Җәүдәт Фәйзи көе
Әхмәт Фәйзи сүзләре

Үпкәләмәде микән,
Ачуланмады микән?
Уйнап әйткән сүзләремне,
Зәйтүнәкәй, акчарлагым,
Чынга алмады микән?

Алмагачның алмасын
Ыргытсана, аппагым!..
Хәтерең калган сүзләр булса,
Зәйтүнәкәй, акчарлагым,
Онытсана, аппагым.

Су читенә иелдем,
Төнбоекка үрелдем;
Бер елмаеп кара миңа,
Зәйтүнәкәй, акчарлагым,
Күтәрелсен күңелем.

Страниц: 1
Источник: http://erlar.ru | Опубликовано: 25.02.10 | Просмотров: 1056 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!