Счетчики

Җирдә сөю барын онытма

Илгиз Закиров көе
Рафис Корбанов сүзләре

Җәйләр узган инде, гөлләр сулган инде,
Кояш качкан инде болытка.
Безне таныштырган җәйге кичләр барын
Син онытма ләкин, онытма.

Яшьлек узган, димә, дәртләр сулган, димә,
Хисләр чумган, димә, тынлыкка.
Безне кавыштырган ямьле яшьлек барын
Син онытма берүк, онытма.

Калыр шаулап еллар, бергә үткән юллар.
Берьялгызың гына юл чыкма.
Юл үткәндә арып, таянырга барып
Мәхәббәтең барын онытма.

Гел бездәге кебек ялкын белән сөю
Кабатланыр улда, оныкта.
Мәңге сүнми торган, мәңге сулмый торган
Сөю барын җирдә онытма.

Страниц: 1
Источник: http://erlar.ru | Опубликовано: 05.03.10 | Просмотров: 937 | [ + ]   [ - ]   |


© 2020 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!